الله ما أكبر غلاك
ينبض بحبك فؤادي
من يشبهك يا ملاك
من يشبهك يا ودادي

إنته بشر غير عادي
فيك الجمال العجيب
رهيب والله رهيب

جمعت حلو المحاسن
وش هو القمر والغزال
حبك في هالقلب ساكن
وصفه تعدى الخيال

القمر عندك رمادي
وإنته البعيد القريب
رهيب والله رهيب

تشتاق لي في غيابي
شوق الندى للزهور
وأشتاق لك يا عذابي
في غيبتك والحضور

إنته مناي ومرادي
فيك الرجا والنصيب
رهيب والله رهيب

تآمر على ما تريده
أمرك وأنا له مطيع
إنته الحياة السعيدة
يا ورد فصل الربيع

جوري ونرجس وكادي
جرحي بقربك يطيب
رهيب والله رهيب