يا صاحبي لا يسري الليل بدري
خلك بوسط الدار لا تجرح الليل
الليل توه وإن تجليت يسري
ولليل ناسٍ ما تمل التعاليل

خلك على تجريح الأحباب حذري
ما تدري إن الليل ستر المواصيل
يا حبي ياللي بين عيني وصدري
يا فرحة الماضي وخوف المقابيل

يا صاحبي لا يسري الليل بدري
خلك بوسط الدار لا تجرح الليل

شوفك هناي وإنت والله تدري
والله أنا مشتاق يا صاح بالحيل
للقلب عين وإنته للعين مغري
يا مجرح القمرة بسود مظاليل

يا صاحبي لا يسري الليل بدري
خلك بوسط الدار لا تجرح الليل

الدم يجري في عروقي وتجري
أنا الصحاري وإنت معشوقها السيل
يضيع في وصفك كلامي وشعري
أشبهك بالريم وأوصفك بالخيل

يا صاحبي لا يسري الليل بدري
خلك بوسط الدار لا تجرح الليل