دايم اسأل
دايم أبدا بالكلام
وتجيني حيرة وشك إذا ما يوم يسأل

قالوا أثقل
بس شسوي في الغرام
حاولت لكن ما عرفت اشلون اثقل

كنت أتغنى
وأغني بالهيام
وأسقي وردة ما أظن بيوم تذبل

ولا أظن النور
يتحول ظلام
ولا أظن إني لهذا الحال بوصل

ما وصلني
حتى مارد السلام
الله يرحم حبنا وأيام أول

ما ذكرني
حتى ما ابدأ اهتمام
صحيح لا قالوا البدايات أجمل

أنا اللي أسهر
طول ليلي ما أنام
وأنا اللي أصبر ع الجفا وأتحمل

وأنا اللي أسأل
ودايم ابدأ بالكلام
متى تحس يابن الأوادم وتسأل