كثر المواصل فالهوى ما هو بزين
ودك بخلك بين مده ومده
لن البنادم ما ترك طبعه الشين
لا حب له شي وشبع منه هده

لكن لمنه جاك من حين لي حين
قدرة جياته وقدرة صده
ثم قلت أبيك وقال ماهوب ذالحين
لا تحرجه يمكن ظروفه تحده

أصبر عليه أيام وشهور وسنين
ان كانه يودك وكانك توده

وخلك لمنه أعطاك ما تطلبه دين
ماجاك منه أخذه ومارد رده
ولا تسوي مثل ناس مساكين
اصلك وفصلك فالهوى لاتعده

الحب ما يعرف قبيله ولا دين
نكس حكومات وكسر اشده
جاوه عقال وراحوا مجانين
وكم واحدٍ خاضه ولاهوب قده

يقوله اللي جاحد علته لين
بارت محافيره وبيح بسده
هذا كلامي وإنت بتشوف بعدين
والله إن تميز بين مزحه وجده

كثر المواصل فالهوى ما هو بزين
ودك بخلك بين مده ومده
لن البنادم ما ترك طبعه الشين
لا حب له شي وشبع منه هده