العمر رقم وكل عمر له أحكام
العفو من عطفك ولطفك ولينك
أعمارنا لو بينها فارق أعوام
ما أشوف فيها شي بيني وبينك

خذني بعلاتي ترى الوقت ظلام
خلك مع اللي يرفعك ما يهينك
لو تنكسر بيديننا كل الأحلام
لا ينكسر حلم العمر في يدينك

يا صغر هالدنيا ويا سرع الأيام
اليوم سابع يوم ما شف عينك
وكنك بوسط العين راسمك رسام
وشلون أغض الطرف وأقول وينك

يا عل أبو من لامنا فيك ينلام
يسعد مسا حبّك ويسعد سنينك
يا بو عيون كلها شوق وهيام
مديت لك يمناي عطني يمينك

يا كثر ما عشنا وشفنا من أوهام
أسبابها نورك ونارك وطينك
أما تهدي الشمس نرتاح وننام
ولا سرقنا الليل من رمش عينك

اليوم إذا عذرك مثل عذرك العام
كل العمر يا زين فدوه لعينك
يا عذرك المغرور يا ترف الأقدام
يعني عشانك زين تبخل بزينك