راح الزمان وحلو الأيام روح
يا قل من وقف ويا كثر من طاح
يا صاحبي لا عاد تجمع وتطرح
ما عاد باقي في العمر كثر ما راح

سمعت نايحة الحمايم تنوح
عليك ياوقت المسرة والأفراح
متاعب الأيام توجع وتجرح
وتزاحمت في قلبي أوجاع وجراح

كثر البكا ما فاد قيس الملوح
وكثر الحكي ما سر يا صاح من صاح
بعض الحذر ما زاد رزقن ومربح
وبعض الخساير ما تعوض بالأرباح

الحض مايل والليالي تمرجح
والدايم الله والمخاليق سواح
الناس بالدنيا كراسي ومسرح
ومحدٍ على دنياه راضي ومرتاح

وين القلوب اللي تداوي وتجرح
وين العيون اللي لها ظل أبرتاح
مسك الكلام المختصر والموضح
وين إنت يا درب السعادة والأفراح