يهزني لا شفت في نظرتك ياس
وأكره أشوف الحزن في وسط عينك
البيت والخفاق وأشعور وإحساس
مستاحشه وأنا وحشني حنينك

أموت وأحيا في عيونك ولا باس
إن مت لجلك جعل تبقى سنينك
شربت من كاس المحبّة ميه كاس
وما أبتل قلبي غير من راحه يدينك

أنا أتنفس منك يا كل الأنفاس
وأنا اليتيم بغيبتك من حنينك
أبيك كلك يا بعد كل هالناس
في غيبتك كل شيء يسألني وينك

تعال ونحرك الهاجس وسواس
وأقتل قبيح الوقت هذا بزينك
من غبت وأنا بين حبرن وقرطاس
تعال جعل فدوتك أنا وينك