سألت الحب عن تاريخ عيده
وجاوبني وعندي ألف شاهد
يقول أفرح لقيت اللي تريده
أنا مولود في عشرين واحد

عسى يوم الهنى ربي يعيده
وأنا وإياه نحيا ونتعايد
معك يا بسمة العمر الوحيدة
حبيبي بس واغيظ الحواسد

تعال نعيش لحظتنا الفريدة
يزين الوقت وتهون الشدايد
ترى الدنيا رجاويها زهيده
ولا تسوى زعلها والنكايد

أحبك حب وصفي ما يجيده
شعوري جمر وأثر الحكي بارد
شعوري طفل لو خذته من إيده
ملى دنياك إحساس ونشايد

لك بقلبي عصافير وقصيده
أغنيها ولا كل القصايد
لك بروحي تناهيد ونشيده
نرددها لا من غبت واجد

سألت الشوق والقلب وبريده
سألت الورد والماء والقلايد
سألت وقام كل يرفع إيده
أنا مولود في عشرين واحد