إحساس ما حسيت فيه بحياتي
ولا طرالي مثل هذا علي البال
كلمني أكثر عنك وأترك سكاتي
بتأملك وأتخيلك أجمل آمال

إنت الهنا وإنت العنى وأمنياتي
يا زينها صدفة علي كل الأحوال
لقيت فيك إنت قريباً لذاتي
تقرب لقلبي بالنوايا والأفعال

ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا زال

أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال

أنا بقلبي شي ويش السواتي
ودي أقوله بس وشلون ينقال
الحب ما يستأذنك يا حياتي
يلحق علي راعيه بالصبر لو طال