حبيب الحب يالحب وحبيبي
نفس روحي بعد روحي وحالي
عسى دايم وشمسك ما تغيبي
عن عيوني وعن قلبي وبالي

إذا بُعدك قدر هذا نصيبي
وإذا حظي قدر يا طيب فالي
سنين العمر تسألني وأجيبي
على ذكراك وحضورك سؤالي

تواريخك تمر وتلتقي بي
وتنساني وتذكرك الليالي
أحسك حيل من قلبي قريبي
عساني منحرم شوفك قبالي

شموعك كل ليله تحتفي بي
لقلبي ضي ولعمري ظلالي
عرفت الحب منك يا حبيبي
وشكراً لك يا حبي لحالي