عطني في هواك الصبر لا صرت قاسي
تبدي حنان وداخل القلب جبار

مادام قلبك خالي الحس ناسي
تلعب على المشتاق بوعود وأعذار

ما أطول فيك من الأمل كثر يأسي
وعندك يقين وتارك القلب محتار

ما يستحق العطف قلب الماسي
اللي رضى باللي قضت فيه الأقدار

لا من نسيت ولا نويت التناسي
فأترك وراك لباكي العين تذكار

أشرب معاه الوهم لا جف كاسي
ولى حصل شوفك أضمك بالأفكار

يا محرمٍ عيني لذيذ النعاس
ومساومٍ بالروح جنتك والنار