يا كيف بعت اللي بروحه يداريك
وإنته مريح البال ليلك ويومك
ذاهل منامك صيحته ما توعيك
شخصٍ على حبه يبين معلومك

تقطع رجاء من كان بالحب يرجيك
يرجيك وإنته غاية العمر دومك
يدرى الهوى وبغالي الروح يفديك
ما تخاف ربك في صلاتك وصومك

إلى متى يا مهجتي في تناسيك
سابق هواك وشارعات أولومك
أرحم شجي طامعٍ فيك يرجيك
يا بعد عمري ما ضميرك يلومك

أون لا مروا بتذكار طاريك
وأصغي سموعٍ وأتحرى علومك
ليت العذول يكف عذلٍ عذل فيك
وياخذ عيوني لجل منها يشوفك