يا مرحبا يا معنى خط الأقلامي
مثايل شوقتني في معانيها
حي المثايل يا سلالة نسل الكرامي
يا من بيوته عن الزلات يحميها

من داثر الوقت وهذا طبع الأيامي
مرات تصفى ومرات الكدر فيها
كم واردٍ ضامياً صد درب بالحيامي
وكم واردٍ شرب من صافي مغانيها

لا تنظر اللي مضى وتعد الأيامي
أرعى ربيع الزمان أول لياليها
حلو الليالي تعوض مر الأيامي
ما يحسب الوقت ويفكر في ماضيها

لو كان ما بي كتبته جفت أقلامي
من حرتي أبدع أمثالي وأغنيها
رادار فكري يصور لي مضى زامي
في حندس الليل يوم أرتاح غافيها

يوم الخلايا تنام وفكرها نامي
حرام عيني لذيذ النوم يغفيها
حالي كما عشب صيفٍ صابه الظامي
وإلا كما وردة جفت نواديها

نار الغضى والتوقد في بحر طامي
خالد وعيا مولعها يطفيها
ريم رعى في الفياض وزهر الأوسامي
قايد خشوف اليوازي في مفاليها

بأرض المحلية ولو تاطالها أقدامي
تزهي وتضحك لها الدنيا وتحييها
سود الليالي مع صلفات الأيامي
ناخذ مقادمها ونترك لياليها

نمشي على درب ما تاطاه الأقدامي
وإن وعرت الأرض يعجبني المشي فيها
يا خوي أنا ريت رويانٍ وهو ظامي
يا كيف عطشان في ياري سواقيها

ريح ضميرك ولو هيم بك هيامي
حقٍ على اللي جرح نفسك يداويها
يا مفطر الوقت هذا شهر لصيامي
وليلة القدر في آخر لياليها

يا زين هد الوحش بعض الأيامي
في ديرةٍ جفرةٍ عسره مضاويها
أشقر طويل المعنق يبري لعظامي
صوايده من فنادي الصيد يدميها

يا شيخ هذا زمان كله إنعامي
الذئب جائع وشبعانه حصانيها
لو كان يبغى يغزر نابه الدامي
يا كيف تكسر جوارحها ضواريها

وكل مخلوق في الدنيا فلا دامي
لابد تنهي مغازلها مطاويها
واخر كلامي بحرف السين واللامي
والميم والعين تتلاها قوافيها