الحزن في صوتك أزعج ساكني
لين صار الكون من حولي حزين

غصب عني حزن صوتك هاجني
لين خلى عاصي المعنى يلين

وأمتثل حرف القصيد وعادني
وانسكب حزنك على شعري حنين

شلت أنا صوتك وحزنك شالني
تكتم الصرخة وينساب الونين

شفت حزنك كيف حزنك شافني
كيف داهم خلوتي في لحظتين

طير أنا مثلك زماني ضامني
جرحتني مثلك سيوف السنين

صابك اللي من زمان صابني
في معاليق الحشا جرحه دفين

كلما ودعت هماً زارني
من عذاب الوقت بياح الكنين

الفرح عقب الصداقة هابني
خافت البسمة على وجهي تبين

طيري ياللي صوت حزنك هاضني
الله اللي ينتصر للصابرين