فقدنا في ليالينا
مواعيد وفقدنا ناس
مشوا معنا الطريق أكثر
من اللي ما فقدناهم

حبايب كم دعينا الله
عساهم ما يرون الباس
وعسانا كثر ما اشتقنا
لهم في يوم نلقاهم

ولا مرة تخيلنا ‏
يمرونا مثل هوجاس
ونحس بوحشة الدنيا
ونسكت لا ذكرناهم

إذا باقي لهم فينا
رجاوي ما قطعها اليأس
لنا فيهم أمل باقي
نساير فيه فرقاهم

يجي يوم ويجيب الله
لنا من صوبهم نسناس
طرف علم يطمنا
ونعرف أنا وحشناهم

ولا مرة تخيلنا ‏
يمرونا مثل هوجاس
ونحس بوحشة الدنيا
ونسكت لا ذكرناهم