أنا في وقت أحس إني بحاجة فيه للفرحة
خبر يسعدني أو شخصٍ يهمه يسمع أخباري
وأنا لي قلب يا صبره تحمل ضيمه وجرحه
وأنا لي بال يا طوله تمكن يخفي أسراري

وأنا اللي نظرة عيونه تموت وما قوت فضحه
ولو دمعي نوى ينزل بنيت بوجهه أسواري
ما بين العزة والحاجه وضيقت صدري وشرحه
أموت الفين مرة ما لقيت لهمي إمداري

مصير القلب لو طوّل ظلامه يلتقي صبحه
وشمسه ما تبقي من ظلام البارحة طاري
أحاول أرمي الماضي وراي وأطوي الصفحة
وأدور للي فات أعذار إلين أستنزف أعذاري

ولا غير السعادة في ملامح وجهي متضحه
كأني أسعد العالم وأنا يا صعبها أقداري
أموت وما يجي وجهي من الذلة ولا لمحه
ولو قالوا لي يا عزك بقول إيه والله وداري