أنا لا نيب لا شاكي ولا عاتب كفاني شجون
هواك اللي نثرته لا تعجب لا إنكسر كاسه

ترى ما يذبح العاشق مثل دمع بكته إعيون
على موت الأمل واللي يحبه هو سبب ياسه

حبيبي ما خبرت الدمع يرقا وجنة المشطون
ذليل الدمع لابد إيتحدر لو رفع راسه

بقالي عزتي ياللي على اللي ما سواها أتمون
وأظنك ما سمعت بعاشق قلبه عصى وداسه

جنون أني أحبك يا عذابي والفراق جنون
من اللي يهجره قلبه ويستغني عن أنفاسه

أنا الحطاب في قاع جرد ما به ورق واغصون
حداه البرد والليل الطويل وشب في فاسه