أظن تصفيق البنات بحراره
جرعة أمل ولا تموت المشاهير
تعبت من صوت الصخب والإثاره
وتعبت أخربها عشان الجماهير

الزهد بين الصومعة والمغاره
إحساس خلاني مع نفسي إصغير
التجربة ما تلغي الاستشارة
والظاهرة من منتجات الأساطير

وأنا ظهرت بعالم أكبر صغاره
الشاعر المداح والشاعر الزير
هذي محطاته وهذا مداره
وهذي خطاوينا وهذي المشاوير

ما الله خلق إكفوفنا للطرارة
ولا خلق رجليننا للطوابير
حسب معايير الرقي والحضارة
ممكن تكون أمير لو ما إنت أمير

الهم وإحساس الفشل والمرارة
خلاني أكتب شي عن ما كتب غير
الشعر لولا سطوته واقتداره
إنجلترا ما فاخرت في شكسبير

أبلغ من الهمسة صريح العبارة
وأصدق من الدمعة صدوق المعاذير
الأرض هذه يا قصور وجحارة
سكانها اثنين غير العصافير
ومادام حنا أثنين ماهي شطارة
الأولي يضحك ويهزأ بالأخير
والله يا لولا نفوسنا والنزارة