يا مرحبا يا مرحبا الساع
يابو عيون سود ووساع
أقرب تفضل وسط قلبي
لك في سويد القلب مرباع

يا ريم روف بقانص الغيد
صدته وهو لي ياك بيصيد
في العين صوبته من بعيد
واليوم لأمرك صار ينصاع
روف ب حمد يا صاحبي روف
إن كان بك يا الزين معروف
لا تتركه وعيونك تشوف
قلبه صويب والفكر ضاع

من يوم شفتك ميت فيك
واتخيلك وافرح بطاريك
تعال يعل الله يخليك
للقلب لي بك هام و التاع
تعال ودي بس شوفك
تطفي لهب الأشواق نظرتك
القلب يتشرف بجيتك
ويقول لك يا مرحبا الساع