الشمس غابت والمدينة اظلمت
والورد لونه صار ما هو لونه
باهت يحير كل عينٍ همت
فيه وعبيره بنّته مسجونه

وأنا حزينٍ والهموم ألتمت
والحزن جند لي كبار شجونه
إن جيت بفرح فرحتي ما تمت
وإن جيت أبنسى ذكرتني طعونه

هذا زماني صاربي يتشمت
يلعب وأنا به راضي بكل جنونه
صفحات حبي في الغرام أقدمت
فوق الرفوف وبالعنا مشحونه

فيها المحبة والوفا قد ضمت
للغالي اللي أعشقه وأصونه
يمكن عيونٍ شافت ولا سمت
الله يخذل حاسدي وعيونه