ما سألت بيوم نفسك هالسؤال
يا حبيبي ما خطر مرة عليك
ليه أنا أشتاق لك يا ابن الحلال
ليه أحبك ليه ميت بس فيك

آه لو تعرف معاناة الليال
والعنا والشوق في قلبٍ يبيك
ما تركته يحلم بلحظة وصال
كنت جيته قبل ما يفكر يجيك

منهو مثلي دللك هذا الدلال
وأعتبرك لقلبه وروحه شريك
ما ترك للحزن في عمرك مجال
والفرح حطه على راحة يديك

بس يكفي من تعاليك وتعال
ملت الساعات من شوقي إليك
ولا اسأل خافقك نفس السؤال
ليه أحبك وأعشقك وأموت فيك