كل هذا وإنته ما تدري بغلاك
يعني معقوله حبيبي ما دريت
ما دريت بقلب مغرم في هواك
ما قوى فرقاك لو عنه قويت

ما دريت إنه ولا يهوى سواك
ما نساك في يوم لو إنك نسيت
وش جرالك يا بعد عمري وجاك
ليش يالمحبوب على الفرقا نويت

ليش لي دايم تبين لي جفاك
عنك أنا ما يوم يالغالي سليت
كم لك في الحب هو قلبي عطاك
وإنته ما عمرك يا محبوبي عطيت

كل لحظة أسبق أشواقي جذاك
ولعيونك كم يا غالي عانيت
أعتبر قلبي دخيلٍ في حماك
وإنته كيفك سوي فيه اللي بغيت