حبّيت غرشوب ولعني ولوعني
واسقاني الحب في كاسه وأشقاني

دلوع مدري وش اللي فيه ولعني
كل ما تركته أعود لدنيته ثاني

إن قال أحبك يحاول ما يسمعني
يلعب بأعصاب قلبي بس يهواني

لكن ساعات يدلعني يدلعني
ويقول أحبك وميت فيك يا فلاني

ما شي في الكون عن شوفته يمنعني
إلا النظر لو يفارق مقلة أعياني

من دون ما أشعر له الأشواق تتبعني
وأظن حتى بحلم النوم يلقاني

حسن الغراشيب لو فتان ما يعني
بالنسبة لي شي غيره نقوة أوطاني

حبيب قلبي أنا غرشوب لوعني
ما أنساه لحظة ولا هو لحظة ينساني