وش تنتظر يا محرق القلب بالنار
ما تستلم روحي وتقضي عليها
أنا رمتني في محبتك الأقدار
والروح سو اللي تبي اليوم فيها

ما عاد فيها فايدة صار ما صار
اللي تبيه العين قلبي يبيها
لو أعتذر ما به مجال للأعذار
ليت السلامة تنشري وأشتريها

ولا أتعذب طول هالوقت وأحتار
مع من خذتني لعبةٍ في يديها
تلعب على ما تشتهي بي وتختار
وأنا الهوا ما ودي إنه يجيها

يجرح مشاعرها وأنا أخاف وأغار
حتى من الريح الخفية عليها
تلعب على ما تشتهي بي وتختار
وأنا الهوا ما ودي إنه يجيها