زين الذي منك ذكرتيني
حسبتك بغيابك تناسيتي
مدري بهوى نفسك تريديني
ولّا إنجبرتي بشيء وحسيتي

لا يكون ما جاني تجازيني
عقب البطى عني تقاضيتي
أشره على الغالي ومحبيني
ما أخبرك مني قد تشكيتي

أرضيك إذا بالعدل ترضيني
وأعطيك عمري وما تحريتي
وأهجرك هجرانٍ يبريني
إن كان عن حدك تعديتي

أطريك إذا على البال تطريني
وأنساك لو عني تخليتي
وأبقى على ذكرى تكفيني
لا أقفيت عنك وإنتي أقفيتي