كم ليلةٍ فكري معك راح
كم ليلةٍ دمعي ذرفته
عاهدت نفسي عهد الأنصاح
عهدٍ على نفسي حفظته

ما فادني ضحكي والأمزاح
يا ليتني بعهدك أخذته
ضاع الأمل لو قلت يا صاح
والمشكلة حبك لمسته

زودي على قلبي بالإجراح
لو إن طبعك ما عرفته
طيري أرتفع من عقبكم طاح
يشكي فراقك له وشلته

ما كنت لك بالسد فضاح
يكفي إن عمري لك عرضته
ترى منايه لك بالأفراح
لا تمسحي رسمٍ رسمته

مر الجفا ذقته بالأقداح
لو هو سهل ذكره وصفته
ترى مطمع الدنيا بالأرواح
وحبٍ في قلبي لك فرضته