سلمولي على الغالي سلام كثير
وأخبروه إني أسهر لين يبدأ الصباح

دمعة العين عقبه بالمحاجر تحير
ما تجيبه عيوني كود عند المراح

ليت لي يا هوى بالي جناح وأطير
البلاء إني عليك أكفخ بليا جناح

حارب النوم عيني ما يطب النظير
من سبايب غرامك جوهر العقل راح

شالك الزين عيني يوم مالك خشير
والله اللي بلاني بك بليا صلاح

كن وجهك قمر خمسة عشر مستدير
ليت منهو بلغ بك غايته واستراح

صد عني ترى عينك سهمها خطير
ما خبرت أحد قبلك عيونه رماح

مثل ما كنت بأقدامك تدوس الحرير
أنت يا زين بأقدامك تدوس الملاح