فكري وروحي يمك قريبة
ما تبتعد عنك ولو صرت أنا بعيد
أشواقي لا زادت ما هي غريبة
فرضاً إلا غبتي أشواقي تزيد

الوقت ما هو شي بدون شوفك
وأدري إن حبي حي في وسط جوفك
يكفي إنك تحس بعذابي وشكواي
راضي بحبك لو هو همي وبلواي

عندي أمل بنلتقي يا حبيبة
صدفة بتجمعنا بليا مواعيد
قلبي معك لا شك بياخذ نصيبه
لقيا برضى الخاطر عسى أيامنا عيد

أنسى الألم وإنتي تنسين خوفك
قدرك لي ما هو شوي والله ما أعوفك
إنتي السعادة لي وإنتي سبب مشقاي
وإنتي فرح ودموع رسمات دنياي