من بعد إذن الشوق وإذنك وإذني
من بعد إذن إحساس صمته تمناك
أمسح على قلبي وأهمس بإذني
وأحضن كفوفي كل ماحان مسراك

زدني غلا طالبك وإحساس زذني
دام المشاعر والحنايا تحراك
يا كل هالدنيا ويا جزء مني
العمر وشهو العمر لا صار لولاك

وإذا نويت بلحظه أغيب عدني
وحرص علي خطاي ما تباعد خطاك
خذني أنا محتاج لي معك خذني
ماني بحاجه لي إذا موب وياك

ما يرمش إن شفتك من الحب جفني
أسهى جميع الناس ولا لحظة اسهاك
يا توأم إحساسي تكرم وخذني
القلب قلبك والحنايا حناياك