لا ما تغير في غيابك شعوري
باقي على حطت فراقك وطيفك
وإن كان تسأل كيف كانت اموري
أنا أموري طيبه إنت كيفك

ما شفت غيرك عشق يرضي غروري
ولا أتخيل شخص غيري وليفك
وللحين بلحالك بعيني ضروري
اعشق شتا عمرك و قسوة خريفك

الله لو تدري بغيبة سروري
يالأول بقلبي ولا به وصيفك
من غبت عني ما أحبه حضوري
القلب ضدي وأدري إنه حليفك

ليتك قريت الليلة أصدق سطوري
اشتقت لك حتى بلحظات زيفك
ليتك لمحت بوسط عيني شعوري
والله ما تسأل أبد إنت كيفك