إن جرح قلبك عتابي عد نفسك ما سمعته
مخطي وستين مخطي قلب أسرف في عتابك
وإن نزف دمع بمحبه جيت بيديني مسحته
كان قصدي بالسوالف ينفتح للود بابك

هذا نبضي هذا دمعي هذا صمتي ما لمحته
كلي وكلن لو إنك خابره طبعه يهابك
والسهر إسال نجومه يوم من بعدك سهرته
إيه أحبك لا تطمن لا تطاوع ارتيابك

لك غلا صادق بصدري اعذره أدري فهمته
قبل واقع هالمشاعر هايم وعشقه سرابك
دايم أطبطب شعورك كل ما دمعك ذرفته
وما حكيت إلا محبه والوله عني حكابك

ما كرهت بعمري إلا ضيقك احلف لك كرهته
وما كرهت إلا شعوري يوم فكر في عتابك
الندم كله لعينك يا هنا بالي ندمته
مخطي وستين مخطي العتب يومه قسابك