لو تنفع ال يا ليت ليتك أستخرت
من قبل لا تبدي لي العذر الوحيد
اللي إذا ضاقت عليك وما قدرت
ترجع تعيد أعذار فعلك من جديد

أنا تراني في غيابك ما خسرت
حتى لو إني بقضي أيامي وحيد
يكفيني إني ما خذلتك وإنتصرت
حتى بغيابك من وفاي وأمد إيد

ياما على طول إنتظاري لك صبرت
والعذر كنه يطلب الفرقا تزيد
ماني بمتحسف على ساعه نظرت
فيها على قربك ولآمالي تعيد

اللي بقى من العاطفة إني عذرت
رغم إنك بطبعك وأحاسيسك عنيد
يا ليتك أول ما ألتقينا ما نذرت
ويا ليت لو ما أوهمتني إني وحيد