بعد هذا العمر كله كيف يا خلي لقيتك
وما أبي أتجاوزك لحظة بعد هذا العمر كله
كيف قادر تمتلكني وكيف كنت وكيف جيتك
إنتا مستوعب شعوري كيف قادر تستحله

أنا من قلبي وروحي يا هوى عمري هويتك
شمس عمري يا حبيبي وإنت حزّاته وظله
كل لحظة يا حياتي مرت إحساسي حييتك
للعذول إن قال شي أرجوك تكفى بس قله

كل لحظاتي معك وإن غبت في لحظة سهيتك
والشعور اللي اعيشه ما ذكر إن غيرك وصل له
آه لو تعرف في بالي كم وكم مرة طريتك
إنت أساساً كل طاري منك منهو اللي يمله

إن نويت أصد لحظة جيت بالبال وخذيتك
لعنبو حي المشاعر مالها مذهب ومله
صح أنا واعي وعارف وأعترف إني شريتك
وكل درب في حياتي تعرفه زين وتدله