يا سحابٍ على العارض تهيا
لين سيّل جنوب طويق سيله
وأنتهض مثل قرمٍ قال هيا
يطوي الأرض مقدام الدبيله

في نحا العرض ما ريض شويا
لين حول على قصور القبيلة
الهوى والهوى راعيه عيا
ساجع الورق ما يوحي هديله

الغلا هناك والغالي هنيا
في حشا القلب ما نرضى بديله
ما يبيع الكفو هل المحيا
وما يعرف العميل إلا عميله

يا ظلالٍ تحت ظله تفيا
سوبي خير وأكسب لك جميله
كانكم تنشدوني ويش فيا
فيني الموت من يومٍ وليله

مالي إلا إنت لا ضاقت عليا
مالها إلا أشقرٍ يسبق صهيله
وضح الفرق يا ابن الناس ليا
بيننا البين ما في اليد حيله

راح عمري وأنا أصبر وآتريا
ماش غاية ولا عندي وسيلة
لي حبيبٍ رفع راسه عليا
ما يراعي عشرة العمر الطويلة

كل ما قلت هود قال لي هيا
عل روحي وأنا روحي عليله
هو كذا أو كذلك أو كذيا
كلما أشتد شوقي له شد حيله

حط راسه على نجم الثريا
وحط قلبي على صالي المليله
حط راسه على نجم الثريا
وحط قلبي على صالي المليله

يا سحابٍ على العارض تهيا
لين سيّل جنوب طويق سيله
وأنتهض مثل قرمٍ قال هيا
يطوي الأرض مقدام الدبيله