يا من ظلمت الحب لا تقول مظلوم
الحب عمره ما يجي بالغصيبة
وما حد من الزلات يا خلي معصوم
إلا ترى الإحساس أحذر تصيبه

أمرك محير فيه سر غير مفهوم
تخفيه عني منت راضي تجيبه
ما أبي حياتك كلها أسرار وغيوم
وأما حياتي كلها حب وطيبه

لو هو على همي ترى ما هو من اليوم
صابر أنا قلبي وراضي بنصيبه
بي حالة الدنيا على حال مقدوم
بليه بعدك والمسافة قريبه

عيشتني ف الحب على نار وهموم
ومن هو يحب ما أظن يتعب حبيبه
ما هو عليك إنته على قلبي اللوم
ليته تعلم شي من اللي يصيبه