لا تحجب الشمس
أنا بحاجه لها تكفى
قلبي بلا شمس
حبيبي كيف بس يدفى

شمسك تجيب بالعافية
وهي في سماك الصافية
من ضيها أنسى برود أمس

ما عاد فيني صبر
حال الغيم ذا لمتى
ما هو عليك بأمر
أحتاج أنا للدفى

محتاج أنا للنور
والورد وعطر زهور
يا حيف تبخل بس
علي بالهمس

أستعجل الوقت
بعد الصبر لا لا تقول لا
ما عدت أنا أقدر
على الفرقا وطول الجفا

مشتاق لك بالحيل
شوق الظما للسيل
قولي أحبك بس
بطيبه نفس