أنا اللي كنت ماعرفك
أنا اللي كنت منك وين
إلين الوقت جابك
لدربٍ يجمع القلبين

أنا اللي كانت أيامي
رجى الدمعة على المقفين
أنا اللي حب بإحساسه
يحبك دون شوف العين

يحس أشياء تجمعنا
وصال الود للغاليين
ولكني ولا شفتك
ولا صدفة مع اللاهين

أنا اللي كنت ماعرفك
أنا اللي كنت منك وين
إلين الوقت جابك
لدربٍ يجمع القلبين

دروب الود لو تبعد
مصير الوصل للحيين
أعاتب حظي الماضي
حرمني من لقاك سنين

يا روح العمر يا عمري
وأنا اللي عشت بك عمرين
أعيشك دون ماعرفك
وأعرفك في خفا زين

ويوم الله كتب لقيا
وشفتك يا جميل العين
دعيت الحب في عينك
وردت عينكم آمين

أنا اللي كنت ماعرفك
أنا اللي كنت منك وين
إلين الوقت جابك
لدربٍ يجمع القلبين

يموت البعد والفرقا
وحنا بالوفا باقيين
وأنا اللي كنت ماعرفك
عرفت إنك معاي الحين