قهر ما كنت أنا أدري تعيش بقلبي كذابه
قهر توي عرفت إنك على الحبلين لعابه
كذب كانت سواليفك وكل كلمه على كيفك
وأنا اللي احسبك روحي ول قلبي أقرب أحبابه

وفيت لقلبك بعمري ولك ضحيت بأيامي
لقيتك للأسف كذبه أعيش بها مع أحلامي
نعم صدقت كلماتك ولا أدري بنياتك
وهذا اليوم أنا كلي ندم من راسي لأقدامي

خلاص الحين أبي أرحل وأنا فيني ألم غدرك
اباخذ قلبي من قلبك واخلي قلبك بصدرك
بداوي روحي بروحي وبكتم فيني اجروحي
بعيش بدنيا من دونك وعيشي بالقهر عمرك