يا أغلى من روحي علي
يا أحلى شي وأغلى شي
إن قلت أحبك شفتها
هالكلمة في حقك شوي

قلبي اللي من شوقه يجيك
يغار من حبي عليك
ما يحبك إلا يموت فيك
ويحسك أقرب مني لي

أتنفسك مثل الهوا
وأحتاجك لجرحي دوا
ما دمت أنا وإنتي سوا
من دنيتي ما أريد شي

أخذيني من دنيا الأنام
خليني في حضنك أنام
دقات قلبي لك كلام
يحكي لك الشوق اللي بي

يا حبي ودنيا الهنا
ما أعرف بدونك من أنا
صرتي لنظر عيني سنا
صرتي لهجير عمري في

أحبك لحد الجنون
وأشيلك بوسط العيون
وأظلك برمش وجفون
يا أغلى من عيني علي