أقول أنا ناسيك ومانيب ناسي
جايز أصدق كذبتي فيوم وأنساك
أمثل إني ما أبالي وقاسي
يمكن أعيش الدور عن جد وأسلاك

باسي قوي لكن معك ضاع باسي
يهزمني شوقي لو بغيت أتحداك
في الحب غيرك محد جاب راسي
والصدق أقوله ما قدرت اتخطاك

أنا هنا لكن معك كل حواسي
إن جيت ولا رحت قلبي ما خلاك
أتظاهر إني بخير قدام ناسي
والخير فارقني في لحظات فرقاك

محروم من فرحي ولذة نعاسي
الحال تدري به ولا أظن يخفاك
أواسي العالم ولا ألقى مواسي
وأقول بكره أنساك أو جايز ألقاك