الله عليك
مجنون أنا والله فيك
كلي لعينك يا الغلا
تآمر حبيبي وشعليك

دامك ملكت العقل كله
قلبي معاك هذا محله
لك قدر ما حدٍ وصله
مفنود وأنا أموت فيك

يا نجم ومنور سماي
يا أمسي الحاضر وجاي
يا نبضي وصافي هواي
أبيك أنا كلي أبيك

أبيك حبي والغرام
وأهيم بك حد الهيام
أهواك ما فيها كلام
وأرخص لك الدنيا وأجيك

دامك ملكت العقل كله
قلبي معاك هذا محله
لك قدر ما حدٍ وصله
مفنود وأنا أموت فيك

خذها على قلبي وعد
إني أحبك للأبد
ما صار قبلك أو بعد
دايم عيوني تحتريك

تآمر على روحي أمر
فدوى عيوني والعمر
يا شمس يومي والقمر
دامك حبيبي وشعليك

دامك ملكت العقل كله
قلبي معاك هذا محله
لك قدر ما حدٍ وصله
مفنود وأنا أموت فيك