يا مالي عيني عن العالم ومغنيها
من قبل لا أقول تفهمني وتقراني
معاك الأشياء تتغير معانيها
معاك كل شي له لون وطعم ثاني

دنيا بدونك أنا مالي أحد فيها
غريب وعايش ما بين الناس وحداني
خذني معك عيشتي بلياك ما أبيها
وأرض ما تسكنها ما أسميها أوطاني

مجنون بك والمحبة ما أقدر أخفيها
والبعد عنك ما هو شيٍ بإمكاني
عروقي الضامية بشوفتك ترويها
وأنسى معاك الشقا والهم ينساني

أكتب لك أشعار حبي وأرجع أمحيها
وصفك يتعب قصيدي ويتحداني
مشاعري لك أنا مدري شسميها
تعدت الحب وأشعاري وأوزاني