من يحبك كثر ما أحبك أنا
ومن يحبك حاول وياما أجتهد
ومن ف عينه شوفتك كل المنى
لا ورب العرش ما غيرك أبد

إنت شوفي وإنت عمري والهنا
يا جسد بي روح ولروحي جسد
وإنت عيني وإنت نوري والسنا
وإنته أسبابي إذا حبي خمد

وإنت ميعادي وسهدي والعنا
وإنت تعذيبي وصبري والجلد
وإنت راحاتي وروحي والظنا
وإنت الأول ما بها قبل وبعد

لمنا جو المحبة وضمنا
ومن بعد قربك أنا كيف أبتعد
شوف ما أكبر يا حبيبي عشقنا
فاق كل العشق وحده وأنفرد

لو يوزع ع البسيطة حبنا
ما بقى حد بها يكره أحد