الله يا وقتي مع طول الأيام
ما عاد نعرف فاسدك من شريفك

لولا المكارم باقيه عند الاكرام
ما تهتني في شتاك وإلا في صيفك

أنظارنا قدام والوعد قدام
وأدري قويك ما يشابه ضعيفك

ويا بحر لا منه تعب منك عوام
عساه يلقى راحته فوق سيفك

يا مكحل العينين عذب التبسام
تذكر وليفك أو تناسى وليفك

أيقونة الشاعر وشوفه والالهام
ولا تقول كيفي لا ما هو بكيفك

مصيافك ف قلبي من العام للعام
هذا ولا يمكن تغير مصيفك

سليت سيفي في نحر كل لوام
لجل اكسبك لكن سليت سيفك

على الذي عنده على وصلك هيام
كنك تمنى قلبه إنه يعيفك

كن واقعي لا تعيش في عالم احلام
تساهم الأحلام في صنع زيفك