اختصاراً لليالي المقبلات
أغلط كيفك ولا تبدي عذر
إنت بالذات بحياتي للممات
الوحيد اللي ذنوبك تغتفر

يا أخير المبتغى والأمنيات
يا سوالف عشق بدوان وحضر
في تبسامك لهالدنيا حياة
ينفرج كم هم يوسع كم صدر

أنخلق لك بس أبي ودي وهات
وأنخلق لك سمٍ وتحت الأمر
ما تغير حبّك بقلبي ثبات
كل ماله يكبر وكلك نظر

يا بعد كل الأوادم شالسواة
كن ما غيرك بهالدنيا بشر
يا بعد هالمقبلات المدبرات
إنت في عيني كذا بالمختصر