لو إنك في وسط روحي تجمع جندك وجنك
جهودك مالها داعي ولا توصل لوجداني
تبي تفهمني ولكن تراك بحالتي كأنك
تحداني على قربي وأنا أكره من تحداني

أشوف نجوم بعيوني إذا سكرتهم عنك
وكأني لما ما شوفك أشوف الكون قدامي
وكل ما تخذل إحساسي أغمض وأكتشف منك
بأن الكون واسع لي وأنا اللي ساجن أحلامي

وشلّي ما يجمعنا تكون أفكارنا ظنك
يجوز إنك على الدنيا وأنا في عالمٍ ثاني
وإذا تبغى الصراحة ما بتنفعني أبد لأنك
بتعديني بتفكيرك وأنا تفكيري إنساني

أببدا باعترافاتي واببدأ بالأخير إنك
أخذت أكثر من اللازم من إحساسي وأيامي
أنا ماني على سني وأحسك مو على سنك
ما هو تقليل في شانك ولا تقليل في شاني