موافقة أسيبك وتسيبني
ونرجع كل حاجة مكانها
رجع لي لشخصيتي كيانها
وترجع لحياتي أمانها
في حاجات إنكسرت جوايا
إنت ما تقدرش على تمنها

موافقة أسيبك وتسيبني
وهسدد كل إللي عليا
هرجع لك روحك المطفية
كل مشاكلك النفسية
العدل إننا لو هنسيب بعض
نرجع لحياتنا الطبيعية

حقي وحقك وإن جيت للحق
مش من حقك تكسرني أنا لأ
ليك عندي وجع لازم تاخده
من إمتى بتسكت على حقك

حقي وحقك هاخد حاجتي
وهديك حاجتك من دلوقتي
أنا هرجع لك كسرة نفسك
إللي كانت فيك لما قابلتك

موافقة أحاسبك وحاسبني
وإللي إديتهولي أنا هرده
إديتني وجع هديك قده
وكلامك ده في كفة لوحده
ده الغلط إللي غلطه في حقي
أنا وإنت ما نعرفش نعده

موافقة أحاسبك وحاسبني
وننهي الموضوع من بابه
فرحتي والضحكة هيتجابوا
وترجع لي لقلبي شبابه
وموافقة على البعد وهبعد
من غير ما نعد في أسبابه

حقي وحقك وإن جيت للحق
مش من حقك تكسرني أنا لأ
ليك عندي وجع لازم تاخده
من إمتى بتسكت على حقك

حقي وحقك هاخد حاجتي
وهديك حاجتك من دلوقتي
أنا هرجع لك كسرة نفسك
إللي كانت فيك لما قابلتك