مثل الزمن يا صاحبي صرت خوان
لو للزمن محبوب عيّا يخونه
مثلت الغدر والكذب في صورة إنسان
حتى شعوري تعجز إنك تصونه

مثلك يعيش الحب من غير وجدان
يقرا ملامح كذبته في عيونه
الطبع يغلب لو تطبعت ويبان
دايم وراعي الزين تفشل ظنونه

هجرك وصل ومواصلك صار هجران
سرقت من ليلك معاني سكونه
العاشق اللي حمّله حبك أحزان
والله حرام إنك تحرك شجونه

الفرق شاسع بين سالي وولهان
بين القلوب القاسية والحنونة
ومثل الزمن يا صاحبي صرت خوان
لو للزمن محبوب عيّا يخونه