سامحت جرحك وغيباتك وتقصيرك
تعال يكفي وأنا اللي شفته يكفيني
وشلون ما أسامحك وأقبل معاذيرك
وإنت اللي عن كل باقي الناس مغنيني

أشوف غيرك ولا فكرت في غيرك
من بدهم كلهم ترتاح لك عيني
إتركني أحلم وأنا راضي بتفسيرك
مابيك من غفوة أحلامي تصحيني

والصورة اللي من أبداعك وتصويرك
الباقي اللي بقى لي من عناويني
ملامح حروفها من بعض تعبيرك
كتبتها لك بدمٍ من شراييني

لولاي واثق من إحساسك وتفكيرك
ما حن قلبك من الذكرى يناديني
لبيك من زود حبي لك وتقديرك
يا مرحبا وين ما ودك توديني

لولاك لولا الرجا في حسن تدبيرك
ما طال حبل الأمل حتى تراعيني
بعدك شقاي وعناي وهم تأخيرك
وقربك مناي وهناي وفرحة سنيني