انتحل شخصيتك وأوقف أمام مرايتي
وأظمني وأحبني وأحكي لي وش سوى زمان

وش حيلتي لا صرت لي فالدنيا هذي حاجتي
مع إني ما كنت أعتقد ذا الحب يلقى بي مكان

هزمتني هزمتني وأقلقت فيني راحتي
كم قلتها ما راح أحب خدعني برك يا الأمان

علقتني خليتها باللون الأبيض رايتي
مستسلم وكلي رجاء وأجيك وكلي لك حنان

قبل أعترف ما أخفيك أنا يا دنيتي ويا غايتي
فكرت بأني ما أعترف وأداري شوقي لا يبان

خفت تشمت بي وأنا يا عمري ما هي عادتي
أرضى لأحد يضحك علي بس البلا فات الأوان

ما قلت لك من وقتها وأنا على سجادتي
أدعي عسى الله يقربك والله كريم ومستعان

حتى ولو ما صرت لي بوقف أمام مرايتي
وبانتحل شخصيتك وأشكي لك وش سوى زمان